Një zyrtar për media i qeverisë së Malit të Zi ka konfirmuar ftesën që kryeministri Ramush Haradinaj i ka bërë kolegut malazez, Dusko Markoviq që ta vizitojë Kosovën.
Srgjan Kusovac nga Zyra për media e qeverisë malazeze ka thënë se data e vizitës do të dakordohet nga dy kabinetet qeveritare, ndërsa ka tregur edhe qëndrimin rreth Demarkacionit.
“Kryeministri Markoviq me këtë rast kolegut Haradinaj i ka thënë se në lidhje me Demarkacionin e kufirit qëndrimi i qeverisë së Malit të Zi nuk do të ndryshojë dhe i ka bërë thirrje Kosovës që ta ratifikojë në Parlament marrëveshjen që është edhe nga adresat më të larta në Bruksel dhe Uashington”, ka thënë Kusovac. /tesheshi.com/
