Shinzo Abe, kryeministri i Japonisë, ka vizituar bazën detare amerikane në Pearl Harbour, e cila u shkatërrua në pjesën më të madhe në vitin 1941 nga forcat ajrore japoneze.
Ai shoqërohej nga presidenti amerikan në largim, Barack Obama, në të parën vizitë nga udhëheqësit e të dy vendeve.
Kryeministri japonez bëri homazhe për njerëzit që humbën jetën nga sulmi i atij viti të largët, për më shumë se 2.400 amerikanë të vrarë, duke deklaruar në të njëjtën kohë në krah të presidentit amerikan se Japonia nuk duhet t’i përsëri kurrë më tmerret e luftës.
Ai shprehu ngushëllime të sinqerta për viktimat e sulmit japonez 75 vite të shkuara, por, siç thekson BBC-ja, nuk kërkoi ndjesë për sulmin.
Në fjalën e tij pati vend dhe për një falënderim për SHBA-në për përpjekjen në përmirësimin e marrëdhënieve midis dy vendeve pas luftës. “Aleancë të shpresës” e quajti Shinzo Abe bashkëpunimin e përtërirë midis dy Japonisë dhe SHBA-së. /tesheshi.com/
