Kryetari i Gjykatës së Rrethit Gjyqësor Vlorë, Skënder Haluci, ka bërë një deklaratë të fortë sot në lidhje me mosarrestimin e atyre që konsiderohen si peshqit e mëdhenj të kultivimit të kanabisit.
Haluca thotë se në 3 vitet e drejtimit të tij në gjykatën e Vlorës nuk ka mbërritur në bankën e të akuzuarve asnjë organizator i kultivimit të kanabisit.
“Në gjykatë vijnë vetëm punëtorët, jo organizatorët e kultivimit. Vijnë vetëm punëtorët që vadisin prashisin dhe ruajnë. Organizatorët e kultivimit të bimëve narkotike nuk kanë ardhur deri më sot për t´u gjykuar të paktën në gjykatën që drejtoj unë prej 3 vitesh”, deklaroi kryegjyqtari Haluca.
Akuzat e tij i drejtohen organit të pokurorisë, që nuk kryhen hetime të plota për të shkuar deri në zbulimin e organizatorëve të kultivimit dhe trafikimit të lëndëve narkotike.
“Problemi është se hetimet janë të përcipta, në gjyq vijnë punëtorët dhe nuk shkohet më tej për të kapur organizatorët, kultivuesit e vërtetë”, theksoi ai. /tesheshi.com/
