Historiani i njohur Luan Malltezi, i njohur si krushku i Berishës, ka vlerësuar aktin e qeverisë Rama për kthimin në atdhe të shtrave të Mit’hat Frashërit, duke e konsideruar këtë të fundit si një kolos shqiptar.
“Qeveria në mënyrë absolute ka bërë shumë mirë që kthen eshtrat e Mit’hat Frashërit. Kthimi i tyre madje është shumë i vonuar. Nëse eshtrat e tij do t’i kthenin të djathtët do hapej një problem i madh. Do thoshin e sollën ballistët. Ndërsa kur vjen e majta, qeveria shqiptare nuk e sjell në këtë kuptim, por e sjell si një personalitet të rëndësishëm të kulturës shqiptare”, tha historiani Malltezi gjatë një debati në Chanel One.
Qëndrimi i tij ishte si reagim ndaj historianit tjetër, Marenglen Kasmi, sipas së cilit duhet ndarë Mit’hat Frashëri i politikës nga ai i letrave, që njihet me emrin Lumo Skëndo.
“Tradhëtar apo patriot? Është një përgjigje e vështirë. Unë jam që në Shqipëria të sillen eshtrat e Lumo Skëndos por jo të Mit’hat Frashërit. Nuk mbajti një qëndrim të qartë ndaj pushtuesit. Mit’hati ishte kryetar i Ballit. Ai nuk pati vision gjatë luftës. Mnedonte se çfarëdo që të bënin këtë çapaçulët, pra komunistët, pushtetin do ta merrnin elitat. Këtu ai gaboi edhe sepse ishte i shkëputur nga realiteti”, tha Kasmi.
Por këtu është rasti për të kujtuar që Malltezi, i ati i Jamambër Malltezit, pra vjehrri i Argita Berishës, i jep një notë pozitive qeverisë së majtë të Ramës, për vlerësimin e një figure të djathtë, siç ishte Mit’hat Frashëri. /tesheshi.com/
