Kryeministrja serbe Ana Brnabiç tha se nuk e ka vizituar shtëpinë e saj në Krk të Kroacisë që nga viti 2016, kur fillimisht u zgjodh në qeveri si Ministre për Shtetin dhe Pushtetin Lokal, e më pas kryeministre.
Kroatët kanë lëshuar në internet një video nga koha kur Brnabiç nuk njihej si figurë publike(politike), kur është kap duke lundruar ilegalisht me skaf në ujrat kroate.
Ndodhi kjo pasi Brnabiç tha se “në këtë moment e ndjen” se nuk është mirë që ajo si kryeministre e qeverisë serbe ta kalojë verën në Kroaci.
Në vite, gjatë pushimeve ajo ka qëndruar në ishullin Krk, ku ka trashëguar pronën në Stara Bashka. Gjyshi i saj nga babai ishte një kroat nga kombësia, i lindur në Stara Bashka dhe shërbeu si oficer ushtarak. Ai ka luftuar me partizanët jugosllavë gjatë Luftës së Dytë Botërore, ndërsa pas luftës ka qenë nënkolonel në ushtri, shkruan Morski.hr.
Në një rast, në verën e vitit 2010, para se të kishte problem të vinte në Kroaci për pushime verore, ajo u filmua nga kamera e Nova TV. Në atë kohë, ajo ishte një person krejtësisht i panjohur për publikun, dhe u përball me një ekip televiziv që ishte në një skaf të policisë detare në kontrollin e zakonshëm të lundrimit.
Kujtojmë se pasoi Vuçiçin pas deklaratë përbetuese të këtij të fundit se sa të jetë gjallë nuk do bënte pushime në bregdetin kroat. /tesheshi.com/
