Kroacia ka tërhequr vendimin për të rritur tarifat e importit për frutat dhe perimet, pas kërcënimeve për hakmarrje nga disa vende fqinje të Ballkanit.
Gjatë muajit të kaluar, Kroacia vendosi të bëjë disa ndryshime drastike në çmime, duke i arsyetuar këto me faktin se janë të nevojshme për t’i përputhur me standardet e vendeve tjera të Bashkimit Evropian.
Ministria e Agrikulturës përmes një deklarate tha se vendimi për kthimin e çmimeve të mëparshme, do të rifuqizohet nga data 11 gusht.
Bosnja, Maqedonia, Mali i Zi dhe Serbia, i drejtuan një ultimatum Kroacisë që të ndryshojë tarifat, pasi mund të përballet me kundërpërgjigje. /tesheshi.com/
