Presidenti Donald Trump tha të martën se situata aktuale me Turqinë mbi avionët F-35 nuk ishte e drejtë, e kjo pasi Ankaraja kishte dashur të blinte raketa amerikane Patriot më parë, por Uashingtoni kishte refuzuar në atë kohë.
Komentet e Trump për gazetarët, të bëra në një takim të Kabinetit në Shtëpinë e Bardhë, ndjekin blerjen e sistemit rus të mbrojtjes raketore S-400 nga ana e Turqisë, e cila ka ngritur tensionet me saj, Shteteve të Bashkuara dhe aleatëve të tjerë të NATO-s.
“Situata me Turqinë është shumë komplekse dhe e vështirë. Jemi në kontakt me zyrtarët turq”, tha Trump.
Pas përpjekjeve të zgjatura për të blerë një sistem të mbrojtjes ajrore nga SHBA, gjë që rezultoi pa sukses, Ankaraja nënshkroi një kontratë me Moskën në vitin 2017 për të blerë S-400.
Atëherë zyrtarët amerikanë i kërkuan Turqisë që të blinte raketa amerikane të Patriot-it, duke argumentuar se sistemi rus do të ishte i papajtueshëm me sistemet e NATO-s dhe do t’i ekspozonte gjuajtësit e përbashkët F-35 ndaj sulmeve të mundshme ruse.
Turqia megjithatë theksoi se S-400 nuk do të integrohej në sistemet e NATO-s dhe nuk do të përbënte një kërcënim për Aleancën. /tesheshi.com/
