Hetuesit e OKB-së kanë kërkuar që komandantët e ushtrisë së Mianmarit të shkojnë në gjyq për gjenocid, krime kundër njerëzimit dhe krime lufte të kryera kundër pakicës muslimane Rohingia.
Një ekipi hetues prej tre anëtarësh i të Drejtave të Njeriut të OKB-së, mbloshi me qindra dëshmi prej të dëbuarve rohinga, imazhe satelitore dhe informacione të tjera, duke përpiluar më pas raport të bërë publik.
Ekipi tha se sipas vlerësimeve, gati 10,000 njerëz u vranë, u dhunuan dhe u dëbuan.
Ekipi hetues grumbulloi akuzat për përdhunim në grup, djegien e qindra fshatrave, skllavërimin, vrasjen e fëmijëve para prindërve dhe krimet e tjera.
Qindra mijëra rohinga u arratisën drejt Bangladeshit fqinj nga gushti 2017 pas një fushatë represioni masiv në civilë, që pasoi një seri sulmesh rebele mbi disa posta ushtarake dhe policore në Mianmar.
Hetuesit kanë deklaruar se ngjarjet në Mianmar duhet të shqyrtohen nga Gjykata Ndërkombëtare Penale (ICC) ose Tribunali Special.
Javën e kaluar, qeveria e Mianmarit hodhi poshtë bashkëpunimin me ICC, pasi nuk është anëtare e kësaj gjykatë. Kina, e cila mund të vërë veton në Këshillin e Sigurimit të OKB-së nëse ICC duhet të marrë parasysh çështjen e Mianmarit, nuk pranon të kritikohet qeveria e këtij vendi për krizën Rohinga. /tesheshi.com/
