Kryeminsitri Rama e nisi shpalljen e paketës së mbështetjes ekonomike nr.2, duke i bërë opozitës një ftesë publike për “ulje armësh” e bashkëpunim.
“Jam i keqardhur që në vend të bashkimit nuk janë ulur armët të luftës, as në emër të njerëzve dhe as në emër të atdheut. Kurrë nuk është vonë.
Thirrja ime është” le t’i bashkojmë forcat dhe t’i ballafaqojmë në distancë sociale, por sy më zy në takime online, le t’i flasim popullit në një zë për të mbrojtur çdo jetë shqiptari.
Le të bëhemi bashkë e të dalim faqebardhë nga kjo sprovë.
Uroj që nga ky apel i sinqertë të mos bjerë në vesh të shurdhët”, tha Rama.
Duke parë që kurba e infektimeve është nën kontroll, por jo e ulur siç do dëshirohej e siç parashikohej, Rama tentoi të frenojë dhe entuziazmin e parakohshëm.
“Unë sot jam në merak, sepse e lexoj e dëgjoj e ndjej se shumë prej shumë mendojnë se ja hodhëm.
E provuan shumë të tjerë më të mëdhenj dhe sot ende nuk po nxjerrin dot kokën mbi sipërfaqe. Nuk numërojmë dhjetëra të vdekur në ditë po shohim se si kurba e infeksionit mbahet më mirë se shumë vende të Europës.
Nuk kemi asnjë humbje jetë ndër bluzat e bardhave dhe s’kemi as kufoma që s’kemi ku ta varrosim. Kështu na duket sikur kjo është dytësore dhe përjetojmë më shumë dhimbjet në pasojat e luftës.
“Liritë do të kthehen sapo ta fitojmë këtë luftë. Ekonomia do të ngrihet sapo ta mbarojmë këtë luftë por të vdekurit nuk i rikthejmë dot”, theksoi Rama.
Dhe duke qëndruar te ekonomia, ai shpalli:
“Paketa është koceptuar si pagesë e vetme dhe do të përfitojnë 10 mijë punonjës në sektorin e turizmit.U vihet në dispozicion 400 mijë lekë pagë në muaj.
Për 66 mijë punonjës që janë larguar apo pezulluar nga biznesi i madh u vihet në dispozicion 26. 4 milionë dollarë e do të marrin 400 mijë lekë. 100 mijë punonjës në biznese të vogla që kanë punuar por me xhiro minimale u vihet në dispozicion 40 milionë dollarë për 100 mijë punonjësit. Çdo individi do i jepet 400 mijë lekë.
Në total 17 milionë dollarë”. /tesheshi.com/
