Ministrja Balluku përcolli garancinë e mosmungesës së energjisë pavarësisht krizës.
Ajo rrëzoi disa akuza të opozitës dhe shprehu besim se kriza do mund të përballohej dhe në planin ekonomik.
“Nëse duam t’i referohemi shifrave, t’i referohemi në mënyrë të saktë. Dëgjova se janë shpenzuar mbi 400 milionë dollarë për energjinë. Nuk është e vërtetë. Deri në shtator janë konsumuar rreth 300 milionë, një pjesë e konsiderueshme janë mbuluar nga vetë sektori.
Këto shifra nuk kanë ekzistuar në kohën tuaj kur përmbytej Shqipëria nga shirat dhe dilnit e blinit nëpër importe.
Ju gënjeni për çfarë të doni, por sektori energjetik është i bazuar në numra, fakte e shifra. Ne nuk ju ndalojmë dot, por të keni parasysh që pavarësisht krizës, në Shqipëri nuk do të ketë kufizime të energjisë dhe prej më shumë se një viti mbrojmë qytetarët tanë duke mos rritur çmimin e energjisë”, tha ministrja e energjitikës. /tesheshi.com/
