Pasi ministri i Mbrojtjes Panos Kammenos, i cili vjen nga e djathta, dha dorëheqjen në shenjë proteste ndaj marrëveshjes mbi emrin e ri të Maqedonisë, qeveria greke është futur në krizë.
Kamennos paralajmëroi se të gjithë anëtarët e partisë së tij “Grekët e Pavarur”, tani ish-partner i koalicionit të Syriza-s qeverisëse, të cilët do të votojnë për Marrëveshjen e Prespës, do të përjashtohen nga partia. Ai gjithashtu bëri thirrje për një referendum mbi çështjen.
Kryeministri grek Alexis Tsipras pranoi dorëheqjen e tij, tha se ai tashmë kishte një emër të ri për këtë post, por gjithashtu i kërkoi parlamentit të votonte për besimin e qeverisë.
Të premten, parlamenti maqedonas votoi për të ndryshuar Kushtetutën, prej së cilës më pas ndryshoi dhe emrin e shtetit në Republika e Maqedonisë Veriore.
“Çështja e emrit të Maqedonisë nuk më lejon të sakrifikoj një karrige ministrore. Falënderova kryeministrin për bashkëpunimin dhe shpjegova se për shkak të kësaj çështjeje kombëtare nuk mund të vazhdojmë së bashku”, tha Kammenos pas takimit me Tsipras.
Koalicioni Tsipras ka 153 vende në parlament me një total prej 300, dhe partia e tij Syriza 145.
Në një konferencë për shtyp, Kryeministri grek tha se do të kërkojë votë parlamentare mbi besimin e qeverisë në fund të mandatit të qeverisë që skadon në tetor 2019.
“I vendosur, informova kryetarin e Parlamentit që të fillojë procedurën në përputhje me Kushtetutën dhe legjislacionin parlamentar për një votëbesim për qeverinë, për shumicën e qartë në marrjen e vendimeve të rëndësishme për shoqërinë dhe vendin tonë”, tha Tsipras.
Besimi ndaj qeverisë do të diskutohet tashmë të martën dhe votimi do të jetë enjten.
Ai u përgjigj dhe ministrit të Jashtëm maqedonas Nikola Dimitrov, i cili është i bindur se qeveria greke “mbetet e angazhuar në mënyrë të vendosur, në përputhje me interesat kombëtare, për të përfunduar Marrëveshjen e Prespës”.
“Është më e dobishme për të dërguar një mesazh se është koha që të dy vendet fqinje, të cilat kanë shumë interesa të përbashkëta, të ndërmarrin një hap drejt partneritetit strategjik dhe aleancave të ardhshme”, ka thënë Dimitrov.
Tsipras përgëzoi kryeministrin maqedonas Zoran Zaev të premten në mbrëmje mbi marrëveshjen e miratuar dhe shtoi se votimi në parlamentin grek do të jetë për dhjetë ditë.
Të dy vendet ranë dakord mbi emrin e ri të Maqedonisë në qershor, por Shkupi do ta përdorë atë vetëm kur edhe Parlamenti grek ta ratifikojë marrëveshjen. /tesheshi.com/
