Ndihmëssekretarja amerikane për Çështje të Europës dhe Azisë, Viktoria Nuland, e cila po qëndron në Kosovë, ka marrë premtimin nga pothuajse të gjithë krerët e institucioneve të Kosovës që Gjykata Speciale do themelohet me patjetër. Vetë znj. Nuland ka thënë se për të ecur Kosova përpara duhet themeluar kjo Gjykatë.
Kjo ka ndodhur gjatë takimeve me presidenten Jahjaga, kryeministrin Isa Mustafa, kryekuvendarin Kadri Veseli dhe ministrin e jashtëm Hashim Thaçi.
Sipas diplomates amerikane, ky kapitull – pra ai i Speciales – duhet mbyllur sa më shpejt.
Dhe tani, pas kësaj “ndërhyrjeje” të fortë amerikane për këtë çështje, pritet të shihet se si do reagojnë zërat anti-Speciales, sidomos ato që kanë në dorë votën. /tesheshi.com/
