Nuk dihet nëse aktivistët e sotëm socialë, ata që po shfaqen si opozitarë rruge duke protestuar me kartën e “bukës së gojës”, e dinë se as në ’90, “buka” nuk ka ekzistuar në narrativën anti-komunizëm.
E pra është fjala për një reagim ndaj një regjimi që, pos aspektit diktatorial kishte dhe atë varfërisë ekonomike. Tek e fundit jo në kapitalizëm por në komunizëm ka patur vdekje masive nga uria.
Nga ana tjetër, buka është një kredo tërësisht e majtë.
Demostrata e parë antifashiste, ajo e Korçës në ’40, e siç e dimë nga historie, ka qenë “demostratë buke”. Ishte demostrata që mbahet si pararendëse e themelimit të PKSH-së një vit më vonë.
Pra, t’i i kundërvihesh një ideologjie për shkak të ushqimit, barkut që do bukë e jo aspekteve të tjera. Është pra një pjacë e ulët qasjeje si rruga e më e lëhtë për t’ju kundërvënë një pushteti.
Ky është populizmi, nuk ka brinja, idiotësi dhe abuzivitet me emocione njerëzore!
Ata që protestojnë sot e kredo buke nën dritaret e Ramës, duhet ta dinë së paku se ai, kryeministri i sotëm, në gjitha narrativën e tij opozitare, në fillim si aktor shoqëror, por dhe më vonë si personazh politik, nuk e ka patur kurrë “bukën” si lëndë denoncuese apo tërheqëse turmash.
“Buka” është pra një fenomen i vonë te ne, sjellë nga aso personazhesh ende të paaftë të jenë imponues me kredo që kanë në fokus mendjen dhe jo barkun.
Ne nuk kemi krizë buke por morali, në daç si politikë e në daç si shoqëri. Kjo po që është kredo! /tesheshi.com/
