Komisioni Qendror i Zgjedhjeve ka përcaktuar limitin e shpenzimeve të fushatës për subjektet politike për zgjedhjet e parakohshme në shumën afër 100 mijë euro, si dhe ka treguar se sa qytetarë kanë të drejt vote.
“Në bazë të votuesve, ose në bazë të regjistrit civil që na është dorëzuar për votuesit e regjistruar të cilët janë 1 milion e 885 mijë e 147 votues të regjistruar dhe në bazë të legjislacionit në fuqi, për një votues llogaritet 0.50 cent dhe shuma e limituar për subjektet politike për shpenzim të fushatës është 942 mijë e 753 euro e 50 cent”, bëri të ditur, Miradije Mavriqi, drejtoreshë ekzekutive për regjistrimin e partive politike dhe certifikim.
Enis Halimi, kryeshef ekzekutiv i Sekretaritatit të KQZ-së, tha se në bazë të regjistrit civil numri i votuesve është 1 milion e 885 mijë e 147 votues.
“Me datën 12 maj ka pranuar ekstraktin e parë nga regjistri qendror, pra ekstraktin e parë të regjistrit civil nga agjencioni për regjistrimin civil që përmban personat mbi moshën 18 vjeçare, pra ata që kanë të drejtë që të votojnë dhe ata që i bëjnë 18 vjet në ditën e zgjedhjeve. Po ashtu, pas pranimit të këtij ekstrakti është duke u bërë caktimi i votuesve nëpër qendrat e votimit. Sa i përket numrit të votuesve tash është 1 milion e 885 mijë e 147 votues, por sa i takon dimensionit të votimit jashtë Kosovës si fazë konform planit operatcional fillon sot me 15 maj dhe përfundon me datën 22 maj”, tha ai. /tesheshi.com/
