Përfaqësuesja e Kosovës është veshur në bronz. Në fakt, ekipi i Taib Kabashit ia doli ta mposht Uruguain me rezultat 28:16, në luftën për pozitën e tretë, në Kampionatin Botëror të shteteve në zhvillim, duke e siguruar medaljen e bronztë.
Kosovarët kanë qenë më të mirë gjatë gjithë ndeshjes dhe fitorja e tyre nuk është vënë asnjëherë në dyshim. Ata e mbyllën pjesën e parë 15:8.
Më të dalluarit te Kosovë ishin, Kastriot Jupa me 7 gola, Kreshnik Krasniqi me 4 sosh dhe Oltion Beshiri, Kastriot Shala e Florim Hoxha që shënuan nga 3 gola.
Finalja e Botëririt do të zhvillohet ndërmjet Letonisë dhe Ishujve Farore. /tesheshi.com/
