Kosova po bëhet gati për padi kundër Serbisë, bërë me dije kjo në Kuvendin e Kosovës. “Ne jemi duke punuar për ta paditur Serbinë për krimet që ajo i ka bërë në Kosovë”, tha ministrja e Drejtësisë, Albuena Haxhiu, duke shtuar se padia për krime kundër Serbisë është në kompetencë të zyrës së Kryeministrit
“Nuk mund të jap detaje, sepse kjo është në kompetencë të zyrës së Kryeministrit. Por është duke u punuar në këtë drejtim. Është formuar edhe instituti për krime. Krimet e luftës nuk mund të amnistohen, dhe kjo s’ka lidhje me dialogun që po zhvillohet me Serbinë”, shtoi ajo pa dhënë detaje të tjera.
Kujtojmë se kjo nismë është paralajmëruar dhe më parë nga qeveria Kurti, por që sipas disa zërave juridikë, edhe kosovarë, kjo nuk është kaq e lehtë. Nga ana tjetër, së paku deri më tani, nuk gjen përkrahje ndërkombëtare. Kjo pasi e djeshmja e luftës, nga ndërkombëtarët trajtohet vetëm politikisht. /tesheshi.com/
