Vaksina më e afwrt kundër koronavirusit, e cila deri mw tani ka marrë më shumë se 2,000 jetë vetëm në Kinë, do të paraqitet për prova klinike në fund të prillit, tha të premten Zëvendës Presidenti i Kinës për Shkencë dhe Teknologji, Xu Nanping.
Agjencitë thanë që 118 vdekje të reja u raportuan deri në fund të së enjtes, me të paktën 2.236 në Kinë.
Autoritetet kineze konfirmuan se 1,109 raste të reja janë regjistruar brenda 24 orësh, dukshëm më shumë se 349 nga një ditë më parë.
Një total prej 75,685 njerëz janë infektuar në Kinë, raporton Reuters.
OBSH: Tendenca është inkurajuese, por …
Provinca qendrore kineze e Hubei, nga e cila filloi sëmundja, raportoi të enjten 411 infeksione të reja, me një numër të përgjithshëm të akumuluar 62,442 raste të konfirmuara në këtë pjesë të vendit.
Në fund të së enjtes, numri i të vdekurve në Hubei arriti në 2.144, duke u rritur me 115 nga një ditë më parë.
Zhou Qi, Zëvendës Sekretari i Përgjithshëm i Akademisë së Shkencave Kineze, u tha gazetarëve se kompanitë që vazhduan të funksionojnë duhet të sigurojnë ventilim adekuat dhe të mbajnë një distancë të sigurt midis punëtorëve.
Drejtori i Përgjithshëm i Organizatës Botërore të Shëndetit (OBSH) Tedros Adhanom Ghebreyesus tha se rënia e fundit në numrin e infektimeve të reja nga virusi koronar është inkurajuese, por është shumë herët të parashikohet nëse tendenca do të vazhdojë.
“Ky trend është inkurajues, por nuk është një kohë për kënaqësi,” tha ai.
Ai vuri në dukje se numri i pacientëve në pjesën tjetër të botës është shumë i vogël në krahasim me Kinën, duke shtuar se “mund të mos jetë kaq gjatë”.
Ndalimi i mitingjeve në Seul
Administrata e kryeqytetit të Koresë së Jugut, Seul, ka ndaluar tubimet në pjesët qendrore të qytetit në përpjekje për të parandaluar përhapjen e koronavirusit.
Kjo u njoftua pasi u raportuan 52 raste të reja të sëmundjes koronare, duke e çuar numrin e përgjithshëm të pacientëve në 156.
Qyteti jugor i Daegu është shpallur një zonë e veçantë pas një numri të madh sëmundjesh të reja.
Në Daegu janë raportuar gjithsej 23 raste të reja dhe të gjitha janë të lidhura me një kishë ku ishte i pranishëm një burrë 61-vjeçar, i cili më parë u konfirmua se ishte i sëmurë. /tesheshi.com/
