I njohur për deklarimet kontraverse, ministri serb i Mbrojtjes Aleksandër Vulin e shfaqi këtë tipar teksa hodhi paralele mes virusit koronar dhe NATO-s, teksa përkujtoi nisjen e bombardimeve mbi Serbi në ’99-ën, gjatë krizës kosovare.
Duke vënë kurorë në një memorial përkujtues, Vulin tha se “ndërhyrja e NATO-s, e cila filloi sot 21 vjet më parë, është krimi i fundit i madh dhe për fat të keq i pandëshkuar në shekullin e 20-të”. E në vazhdën e këtij qëndrimi, i cili pasqyron dhe atë të Beogradit zyrtar, Ai i krahasoi ngjarjet e vitit 1999 me pandeminë aktuale të virusit COVID-19.
“Dhe sot, 21 vjet më vonë, të ballafaquar me një koronavirus, duhet të jemi një, sepse për të mbijetuar duhet të kemi diçka për të kujtuar”, tha Vulin. /tesheshi.com/
