UEFA ka nisur procedimet disiplinore ndaj Kroacisë dhe Shqipërisë për shkak të disa zhvillimeve në ndeshjen e mes këtyre kombëtareve në Hamburg.
Është Federata e Futbollit të Serbisë (FSS) e cila ka kërkuar që UEFA të vendosë dënimet më të ashpra ndaj Federatës Kroate të Futbollit (HNS) dhe Federatës Shqiptare të Futbollit (FSHF) për thirrjet “vrite serbin” që pretendohet se janë dëgjuar nga tifozeritë e dy ekipeve gjashtë ndeshjes.
Por duhet kujtuar se së paku, ndër shqiptarë as ka ekzistuar e as që ekzistoj një thirrje e tillë nacionaliste e tipit “vrite serbin”. Te kroatët ndoshta po, por te shqiptarët, të vrarë rregullisht nga serbët, jo.
“Në përputhje me nenin 31(4) të Rregullave Disiplinor të UEFA-s, një Inspektor i Etikës dhe Disiplinës është caktuar për të kryer një hetim mbi sjelljen e mundshme raciste dhe/ose diskriminuese nga tifozët që dyshohet se kanë ndodhur gjatë një ndeshjeje të fazës grupore të Kampionatit Evropian 2024. Skuadrat përfaqësuese të Federatës Kroate të Futbollit (HNS) dhe Federatës Shqiptare fë Futbollit(FSHF), luajtën më 19 qershor në Hamburg”, njoftoi UEFA.
UEFA ka nisur një hetim edhe ndaj Mirlind Dakut, për të cilin pretendohet se u soll në mënyrë të pahijshme pas ndeshjes me Kroacinë. Sipas Tanjug, së bashku me tifozët shqiptarë, ai ka fyer serbët dhe maqedonasit.
Federata e Kosovës denoncon Serbinë
Ndërkohë, siç shkruan Klix, Federata e Futbollit të Kosovës ka raportuar edhe për Serbinë për, siç thonë ata, sjelljet nacionaliste dhe raciste të tifozëve në ndeshjen kundër Sllovenisë.
Ata dënuan ashpër “mesazhet nacionaliste dhe vendosjen e një flamuri me hartën e Kosovës dhe mbishkrimin ‘Jo dorëzim’”.
“Përsëritja e kësaj sjelljeje në stadiume, edhe pas ndëshkimeve të mëparshme nga UEFA, është e papranueshme […]. Ndaj, u bëjmë thirrje autoriteteve të UEFA-s që të jenë më rigoroze ndaj përsëritjes së mesazheve të tilla armiqësore ndaj vendit tonë, si anëtar i barabartë me të gjitha vendet e tjera të familjes së futbollit evropian”, ka thënë Federata e Kosovës.
UEFA gjobiti më parë Federatën Kroate të Futbollit (HNS) me 87,875 euro për shkak të sjelljes së disa tifozëve kroatë gjatë ndeshjes së raundit të parë të Grupit B në Euro, mes Spanjës dhe Kroacisë, e cila u luajt në Berlin më 15 qershor.
Edhe Federata e Futbollit të Serbisë u gjobit me 14 mijë e 500 euro për hedhjen e sendeve në fushë dhe për dërgimin e mesazheve provokuese të papërshtatshme në ndeshjen kundër Anglisë. Po kështu një penalitet është vendosur edhe për Federatën Shqiptare, për shkak të sjelljes së tifozëve në ndeshjen kundër Italisë, duke u gjobitur me 37,375 euro. /tesheshi.com/
