Pas ashpërsimit të deklaratave të ditëve të fundit mes Koresë së Veriut dhe SHBA-së, dhe paralajmërimit të Phenianit se do të rrëzojë avionët amerikanë, ka reaguar Pekini, sipas të cilit lufta në gadishullin korean nuk do të ketë fitues.
Kjo deklaratë erdhi pasi ministri i Jashtëm i Koresë së Veriut tha se presidenti amerikan, Donald Trump, i ka dekaruar luftë Koresë së Veriut, dhe se Pheniani ka rezervuar të drejtën për të marrë masa.
Zëdhënësi i ministrit të Jashtëm kinez, Lu Kang, ka thënë në Pekin se politikanët e SHBA-së dhe Koresë së Veriut mund ta kuptojnë se përdorimi i mjeteve ushtarake, kurrë nuk do të jetë një rrugë e qëndrueshme.
“Kina po ashtu nuk ka miratuar precipitimin e situatës, qoftë edhe nga deklaratat mes të Shteteve të Bashkuara dhe Koresë së Veriut”, ka thënë Lu në një takim informues në Pekin. /tesheshi.com/
