Dyshja Rama-Manastirlliu kryen vizitën e radhës në frontit kryesor të vaksinimit, atë në “Air Albania”, ku kumtuan ardhjen e sasive të reja nga Pfizer, si dhe pritjen për sasinë e parë nga AstraZeneca.
Vijojmë vaksinimin e stafeve mjekësore. Arrijmë në mbi 13 mijë vaksinime. Jemi duke përgatitur vaksinatorët e rinj. Trajnimi do bëhet në Arenën Kombëtare.
Ditën e nesërme presim 15 mijë vaksina nga Pfizer dhe brenda 10 ditëshit të parë të marsit presim dhe 14 mijë vaksina të AstraZenecës nga COVAX dhe do fillojmë nën 65 vjeç në targetin e vendosur nga ISHP”, tha Manastirliu.
“Nesër mbërrijnë 15 mijë doza të tjera Pfizer dhe brenda dy javëve të para të marsit COVAX ka konfirmuar më në fund, nisjen e furnizimit me vaksinën AstraZeneca, të cilën do ta fusim menjëherë në procesin e vaksinimit të mësuesve.
Sfida është të garantojmë një sasi të konsiderueshme dhe të kemi lajme të mira shumë shpejt.
Kontaktet janë të vazhdueshme, duket mirë por mos të flasim përpara kohe”, tha Rama. /tesheshi.com/
