Xhemshit Jashari 44-vjeç, Etem Hajdini 78-vjeç, Xhezide Beqiri 44-vjeç dhe djali i saj Benit Beqiri 11-vjeç, janë katër kosovarët e zhdukur prej kohësh, të cilët publikisht kërkohen nga organizata më e madhe ndërkombëtare e policisë, Interpol, transmeton Indeksonline.
Por, numri i të zhdukurve gjithherë sipas Interpolit, në Shqipëri është dukshëm më i lartë se në Kosovë.
Të dhënat tregojnë se në Shqipëri Interpoli kërkon 144 shtetas shqiptar, të cilët janë zhdukur në forma të ndryshme, e që shumë prej tyre janë fëmijë dhe të gjinisë femërore.
Ndryshe nga Kosova që nuk ka bashkëpunim direkt me organizatën më të madhe ndërkombëtare të policisë, Shqipëria është pjesë e Bashkëpunimit Ndërkombëtar. Interpol Tirana ka një staf prej 15 njerëzish specialistë dhe oficerë të telekomunikacionit. /tesheshi.com/
