Nëse Televizioni Publik i Maqedonisë nuk i publikon “bombat” e Zaevit në edicionin qendror informative, pjestarët e organizatës “Dinjiteti”, ku janë grumbulluar luftëtarët maqedonas nga konflikti i vitit 2001, do ta okupojnë televizionin të shtunën në mesditë. Paralajmërimi është bërë nga kryetari i saj, Stojanço Angellov.
“Nëse nuk i publikon inçizimet, kjo nënkupton se redaktori bën shkelje të ligjit dhe kushtetutës, pasi qytetarët kanë të drejtë kushtetuese të informim publik. U bëjë thirrje qytetarëve që të shtunën në ora 12.00, të hyjmë në televizion dhe t`i emetojmë “bombat””, tha Angellov.
Nga ana e tij, Kryeredaktori i Televizionit Publik, arsyetohet me urdhërin e prokurorit për ndalesë të publikimit të “bombave: të opozitës, por këtë nuk e respekton programi në gjuhën shqipe, i po të njëjtit televizion, ndërsa publikimin e përgjimeve e bëjnë edhe disa televizione tjera. Ndaj asnjërës prej tyre, nuk është ngritur kallzim penal. /tesheshi.com/
