Deputetja demokrate Albana Vokshi, e shoqëruar nga Edith Harxhi dhe Evi Kokalari, gjetën të mbyllur derën e Lidhjes Demokrate të Gruas në selinë blu, duke thënë se brava është ndërruar me urdhër të Bashës.
Vokshi, e njohur për “shpirtin e saj luftarak”, akuzoi direkt atë që e cilësoi të shkarkuar, Lulzim Bashën, duke thënë:
“Ky është në veprim i dhunshëm dhe jo qytetar. Kjo godinë i takon të gjithë demokratëve, ai s’mund të sillet si në shtëpinë e tij. Lulzim Basha të largohet një orë e më parë.
Kanë ndërruar bravën pa asnjë njoftim.
Ne në pamundësi për ta bërë mbledhjen këtu, do të ngjitemi në katin e dytë. Le të mbajë bravat, vullneti i sovranit do të realizohet, ne do të vazhdojmë mbledhjen se kemi shumë vendime”, tha figura e njohur demokrate. /tesheshi.com/
