Një shef i mirë të ndihmon drejt mundësive të reja dhe rritjes profesionale. Por kur ke fatin e keq të bësh me një shef acarues, nuk mund thjesht t’ja mbathësh. Të duhet shumë durim dhe ca këshilla:
- Merre me qetësi
Mos e mundo veten me punë shtesë. Një shef i pakënaqur do mbetet gjithmonë i tillë pavarësisht sa punë bën dhe sa mund jep. Mos lejo që kjo marrëdhënie të prish performancën tënde në punë.
- Bëhu i përpiktë
Mundohu t’i paraprish kërkesave të shefit. Kur e pret se do të të kërkojë një detyrë bëje para se të ta thotë. Kur të shohë që i ke paraprirë kërkesave të tij do të fillojë të kuptojë si je i përgjegjshëm dhe do tëtë vlerësojë më tepër
- Mundohu ta kuptosh
Para se të reagosh ndaj çdo lloj pakënaqësie, mundohu të vihesh në pozitat e shefit. Mundohu të kuptosh stresin që kalon duke pasur një përgjegjësi aq të madhe. Mundohu gjithashtu të bësh dallimin kur vërtetë e ka me ty apo thjeshtëështë i tillë.
- Durimi është çelësi i gjithçkaje
Tërhiqu i pari sa herë që gjërat acarohen dhe fillojnë të marrin për keq. Mos i lër gjërat kurrë pa sqaruar por bëje në momentin e duhur kur situata të jetë qetësuar.
- Dokumento çdo gjë
Mbaj gjithmonë shënime të kërkesave që shefi të jep. Nëse është një mbledhje përdor rejistrues (me leje) ose mba shënime. Dhe para se të nisësh të veprosh urdhërat e tij dërgoji një e-mail për të konfirmuar nëse e ke kuptuar mirë dhe nëse diçka mungon. Kjo mënyrë është shumë e dobishme për t’u përballur me fakte nëse shefi juaj mohon ose harron çfarë ka kërkuar. /tesheshi.com/
