Nëse keni zgjedhur të bëni ‘jailbreak’ për iPhone-in tuaj, e thënë ndryshe një modifikim për të shkarkuar aplikacione të ndryshme nga App Store i Apple, nuk është një zgjedhje e zgjuar. Ka shumë viruse të cilët kalojnë pa u ndier nëpërmjet jailbreak, çka lejon hackerat të vjedhin të dhënat e mbi 250 mijë llogarive të Apple në vende të ndryshme të botës. Lajmi është bërë i ditur nga Palo Alto Network e WeipTech.
Kërkuesit shpjegojnë se bëhet fjalë për vjedhjen më të madhe të të dhënave të këtij lloji ndaj përdoruesve të Apple. Bëhet fjalë për një familje malware, të quajtur KeyRider, me 92 versione të ndryshme, e cila godet iPhonët që kanë shkarkuar ‘jailbreak’, pra që janë modifikuar për të shkarkuar programe të ndryshme nga ato të autorizuara nga Apple në dyqanet e saj dixhitale.
Hackerat mund të marrin nga këta telefonë fjalëkalimet dhe kredenciale të ndryshme për të bërë blerje në App Store, pa asnjë autorizim. Malueri është zbuluar pasi një nga studentet kineze të Yangzhou University, kishte vënë re blerje të ndryshme të paautorizuara në një nga llogaritë e saj. Pjesa më e madhe e përdoruesve të prekur nga këto hakime janë në Kinë, por ka edhe llogari të shumta të prekura në SHBA dhe vendet e Europës.
KeyRaider infekton pajisjet nëpërmjet aplikacionit Cydia, i cili përdoret për të lehtësuar menaxhimin e aplikacioneve në iPhone që kanë aplikuar ‘jailbreak’. Kërkuesit kanë zbuluar se nëpërmjet këtij malueri, kriminelt einformatikës arrijnë të bllokojnë në distancë një pajisje, duke kërkuar shkëmbim për zhbllokimin e saj./tesheshi.com/
