Policia njofton se ka kapur katër persona të dyshuar si autorë të grabitjes spektakolare të 3.2 milion dollarëve, ngjarje e ndodhur pak ditë më parë në aksin Qafë e Kasharit – Rinas, në mes të dytës dhe në sytë e dhjetra njerëzve.
Emrat e tyre ende nuk bëhen publikë, por sipas gazetarit të njohur të kronikës, Artan Hoxha, tek të arrestuarit dy prej tyre janë ish-komando. Këtë e përforcon dhe fakti se aksioni, parë nga i gjithë opinioni, ishte i një niveli të lartë profesional.
Tashmë mbetet vetëm të konfirmohen nëse janë vërtet ata, apo janë marrë thjesht si të dyshuar për t’u lënë të lirë më pas për mungesa provash. Arrestimi i tyre ka ardhur pas një operacioni të gjerë të ndërmarrë nga policia në orët e drekës.
Një ditë më parë, i ndodhur dhe nën peshën e keqgjykimit të opinionit mbi punën pa rezultat të policisë në të tilla raste, ministri Tahiri bëri thirrje për durim, duke dhënë të nënkuptuar se autorët do të bihen shpejt nën pranga.
Megjithatë, ende mungon një “Bravo çuna!” nga ana e Tahirit, që në këtë rast do thuhej me më të lartin zë. /tesheshi.com/
