Papa Francesku e ka vendosur vulën progresiste edhe mbi kishën katolike amerikane me përzgjedhjen e tre kardinalëve të rinj “të një mendjeje” me të- njëri prej tyre u përfshi edhe në një konflikt me kandidatin republikan për zëvendëspresident, Mike Pence – në një refuzim të hapur të arkipeshkëve që kanë folur për përjashtimin e të divorcuarve nga kisha dhe që kanë dalë në mbështetje të emigrantëve dhe ligjit të kontrollit të armëve.
Zgjedhja e tre kardinalëve amerikanë u bë mes 17 kardinalëve të rinj të emëruar nga Papa. Ai ka zgjedhur më shumë prej tyre nga bota në zhvillim dhe vetëm një nga Italia, duke reflektuar dëshirën e tij për të decentralizuar pushtetin nga Vatikani.
Në zgjedhjen e këtyre kardinalëve të rinj –“princat e kishës” që shërbejnë si këshilltarët më të afërt të Papës – Francesku e ka afruar edhe më shumë mundësinë që pasardhësi i tij të jetë një i moderuar ose progresist. Gjithashtu me këtë zgjedhje balancohet ndikimi i kardinalëve të zgjedhur nga pararendësit e tij shumë më tepër konservatorë, Papa Gjon Pali II dhe Papa Benedikti XVI.
Zgjedhja e Papës mund të krijojë një “zhvendosje sizmike” në hierarkinë e kishës katolike në SHBA, sipas John Allen, komentator në publikimin katolik Crux. Ndërsa përzgjedhja e Joseph Tobin nga Indianapolis, Kevin Farrell nga Dallas dhe Blase Cupich nga Chicago nuk mund të konsiderohet liberale siaps standardeve politike konvencionale, Allen shkruan se secili prej tyre konsiderohet të jetë pjesë e “hierarkisë centriste, krahut jo-kulturor të hierarkisë së vendit”.
Një nga tre kardinalët në fjalë, Tobin ishte zgjedhje surprizë, për shkak se kardinalët zakonisht zgjidhen nga qendrat kryesore të pushtetit, në vendet më të mëdha katolike, dhe Indianapolis nuk është i tillë. Ai ka kërkuar zë më të madh për gratë në kishë dhe ka qenë i përfshirë në një betejë të profilit të lartë me Pence vitin e kaluar, pasi guvernatori i Indianas – një ish-katolik që u konvertua në protestanizmin evangjelik – kundërshtoi përpjekjet e Tobin për sisteminin e refugjatëve sirianë në këtë shtet, duke pretenduar se ata përfaqësonin rrezikpër sigurinë. Arkipeshkvi e fitoi këtë duel.
Cupich shihet gjithashtu si avokat i axhendës së Francis dhe ka inkurajuar arkipeshkvët e tjerë për të qenë zëri i punëtorëve dhe emigrantëve. Farrel, me origjinë irlandeze ka qenë një mbështetës i zëshëm i ligjeve për kontrollin e armëve.
“Përzgjedhja tregon se Papa Francesku dëshiron që kisha në Amerikë të jetë më shumë e fokusuar në çështje si emigracioni, roli i grave në kishë dhe në nevojën për tejkalimin e qendrave tradicionale të pushtetti në mënyrë që të gjenden liderë që u ngjajnë besimtarëve, apo që bien erën e deleve, si e ka përshkruar vetë Papa”, shkruan Michael O’Loughlin, gazetar për “America Magazine”, një publikim katolik.
Vetëm 13 nga 17 kardinalët që ka zgjedhur papa Francesku do të jenë të kualifikuar për të votuar në konklavën e ardhshme për shkak të kufizimeve të rrepta moshore. Tre nga “zgjedhësit” vijnë nga Europa.
Zgjedhjet e Papës kanë vlerë për t’u analizuar, për shkak edhe se Francesku anashkaloi arkipeshkvin konservator të Filadelfias, Charles Chaput, që drejton dioqezën më të madhe katolike në SHBA.
Chaput kapi titujt e parë të shtypit këtë verë kur publikoi interpretimin e vet të një dokumenti që ishte shkruar nga Francesku dhe që inkurajonte priftërinjtë të tregonin më shumë mirëdashje në trajtimin e katolikëve të divorcuar apo të rimartuar, sikundër edhe për praktika të tjera që nuk përfshihen plotësisht në doktrinën e kishës.
Në vend që të theksonte kërkesën e Franceskut për të inkurajuar “Gëzimin e dashurisë”, Chaput hartoi rregullat e veta, përfshirë një rregull ku katolikët e rimartuar duhet të jetonin si vëlla e motër nëse dëshironin të pranoheshin në kishë, dhe se katolikët homoseksualë duhet të orientoheshin drejt martesës hetero-seksuale dhe të bënin fëmijë.
Mes kardinalëve të përzgjedhur nga Papa është vetëm një kardinal italian: Mario Zenari, ambasadori i Papës për Sirinë “e dashur e të tortuaruar”. Duke e cilësuar promovimin një surprizë, Zenari tha për radion e Vatikanit se nderi ishte një dhuratë për viktimat e Sirisë dhe për të gjithë ata që vuajnë nga konfliktet.
Përgatiti: Juli Prifti – /tesheshi.com/
