Aktivistët konservatorë të cilët vazhdojnë të pretendojnë pa prova se Presidenti i zgjedhur amerikan Joe Biden vodhi zgjedhjet janë mbledhur në disa protesta, përfshirë në Uashington.
Organizatorët e protestës të quajtur “Stop Vjedhjes”, të lidhur me operativin e Trump Roger Stone, dhe disa grupe kishash ftuan mbështetësit e tyre të vinin në “Marshimet e Jerikos” dhe tubimet e lutjeve.
Protestat janë planifikuar në Uashington dhe kryeqytetet e shteteve të Georgia, Michigan, Wisconsin, Nevada dhe Arizona ku fushata Trump ka sfiduar rezultatet e votimit.
Më shumë se 50 vendime të gjykatave federale dhe shtetërore kanë konfirmuar fitoren e Biden mbi Trump. Gjykata e Lartë hodhi poshtë të premten një padi të paparë të mbështetur nga Trump të ngritur nga shteti i Teksasit, duke kërkuar anulimin e votimit në katër shtete të tjera federale në të cilat Biden fitoi.
Trump refuzon të pranojë humbjen elektorale duke pretenduar pa prova se ai ishte mundur për shkak të mashtrimit masiv. Trump tha në Twitter se nuk ishte informuar për protestat por se ai do të “takohej me ta!”.
Qindra mbështetës të Trump me flamuj dhe parulla në grupe të vogla arritën në Gjykatën e Lartë dhe Kongresin përmes qendrës së Uashingtonit, të cilën policia e mbylli për trafik.
Maskat ishin të veshura nga një numër i vogël i njerëzve pavarësisht shpërthimit të pandemisë së koronavirusit dhe rekomandimeve të qeverisë lokale për t’i mbajtur ato gjithashtu në ambiente të jashtme.
Rreth 200 anëtarë të “Djemve Krenarë”, një grup i dhunshëm i ekstremit të djathtë, u bashkuan me procesionin pranë hotelit të Trump dhe shumë kishin veshur uniforma maskimi, jelekë dhe helmeta.
Kundërshtarët e Trump filluan të mblidheshin në të njëjtin vend dhe përplasjet shpërthyen midis ttre dhe krahut të majtë Antifa. Mediat raportojnë se disa njerëz u plagosën dhe më shumë se 20 u arrestuan në përleshjet midis mbështetësve të Trump dhe kundërshtarëve. /tesheshi.com/
https://twitter.com/i/status/1337891921302319108
