Janë rikthyer lajmet me kanabis, dalë nga burimet policore. Ka qenë kjo e fundit ajo që ka njoftuar se nga një vëzhgim me helikopter mbi zonat e thella të Vlorës, janë konstatuar 20 parcela të mbjella me lëndë narkotike.
Bëhet fjalë për në ato fshatra të cilat konsiderohen hambarë të kultivimit të kanabisit në këto vite, Kuç, Gjorm, Lapardha, Trebisht. Policia thotë se po heton për të kapur pronarët e tyre.
Qeveria është përbetuar ta fshijë kanabisin nga harta e kultivimit.
Por siç tregon dhe rasti i fundit, në zona të thella të Labërisë apo të Kurveleshit, kanabisi vijon të harliset pa iu frikësuar forcës së ligjit. /tesheshi.com/
