Policia zbuloi së fundi një shtëpi bari në Bërdicë të Shkodrës, ku u arrestuan dhe 5 punonjës të OSHEE-së, si të implikuar në të.
Ata janë: Bledar Ahmeti, Indrit Taraboshi, Paulin Carri, Agron Hoxha dhe Hektor Lami. Ndiqet në gjëndje të lirë Ramir Hadëri. Por është pikërisht ky i fundit që ka reaguar.
Përgjegjësi i OSHEE-së Shkodër, Ramir Hadëri i ka konsideruar të paligjshme arrestimet e 5 vartësve të tij. Madje i revoltuar duke thënë se duhet të ishin punonjësit e policisë ata që duhet të futeshin në burg.
“Nga portalet marr vesh që jam në ndjekje penale për shpërdorim detyre. Nuk e kuptoj pse policia urdhëron arrestimin e punonjësve të OSHEE dhe nuk ka asnjë polic të ndaluar që lejoi ndërtimin e shtëpive të barit.
Të më tregojnë një indicie që kanë për mua që vendosin të më ndjekin penalisht dhe do hyj në burg, vetëm një indicie dua.
Arrestimet janë të paligjshme. Në burg duhet të shkojë e gjithë kupola e policisë jo unë”, tha Hadëri. /tesheshi.com/
