Preç Zogaj, analisti dhe këshilltari i Lulzim Bashës, deklaronte thuajse çdo herë në debatet tek Blendi Fevziu se çështja e kanabisit nuk ka lidhje me kriminalitetin por me qeverinë, dhe si shembull sillte faktin se në asnjë vend të rajonit nuk ka hashash.
Por kjo tezë e Zogajt sikur bie po të lexosh njoftimet e Ministrisë së Brendshme të Serbisë.
Siç bën të ditur televizionit serb B92, në kryeqytetin e vendit në Beograd, policia sapo ka gjetur dhe sekuestruar zona të kultivuara me kanabis cativa.
Në një operacion të shkallës së gjerë janë arrestuar plot 213 persona.
Në këtë operacion janë sekuestruar edhe dy laboratorë të fshehtë që përpunonin kanabisin duke e kthyer në hashash të presuar.
Siç bëhet e ditur në një komunikatë të Ministrisë së Brendshme të Serbisë, policia ka sekuestruar vetëm në operacionin e fundit 385 kilogram hashash dhe një sasi të maddhe armësh e municionesh.
Gjatë javës, Ministria e Brendshme deklaroi se janë arrestuar rreth 360 persona të tjerë në 27 qytete të Serbisë për kultivim dhe trafikim të bimëve narkotike. /tesheshi.com/
