Legjenda braziliane Kaka, ka thënë se Luka Modriç, lideri i ekipi kombëtar kroat kombëtar dhe njëherësh motori i mesfushës së Real Madrid, duhet ta fitojë këtë vit Topin e Artë.
“Modriç ka vërtet një rekord të mahnitshëm. Ai arriti të fitojë Ligën e Kampionëve me Real Madridin dhe mbërriti deri në finalen e Kupës së Botës me ekipin e tij kombëtar kroat. Luka është një njeri i cili jep spektakël dhe që e dirigjon mjeshtërisht lojën e ekipeve ku luan”, ka thënë Kaka në një intervistë me gazetën italiane La Gazzetta dello Sport.
Ai shtoi se francezi Kylian Mbappe është gjithashtu një futbollist i shkëlqyeshëm.
“Mbappe është gjithashtu një fenomen. Atë e pret një karrierë e madhe”, tha ish-lojtari i Milanit dhe i Real Madridit.
Ai gjithashtu vuri në dukje se Juventusi ishte favoriti për të fituar Ligën e Kampionëve, tashmë që ka dhe Ronaldon pjesë të vet. /tesheshi.com/
