Udhëheqësi çeçen Ramzan Kadyrov kritikoi udhëheqjen e ushtrisë ruse për ofensivën ukrainase në verilindje të vendit. Ai sugjeroi në kanalin e tij Telegram se presidenti rus Vladimir Putin mund të mos jetë në dijeni të situatës reale, shkruan Guardian.
“Ata bënë gabime dhe mendoj se do të nxjerrin konkluzionet e nevojshme. Nëse nuk ka ndryshime në strategji sot apo nesër, do të detyrohem të flas me kryesinë e Ministrisë së Mbrojtjes dhe me udhëheqjen e vendit për t’u shpjeguar atyre situatën reale në terren. Është një situatë shumë interesante. Do të thosha se ajo është e habitshme”, shkroi Kadyrov në Telegram.
Ramzan Kadyrov më parë njoftoi se njësitë e tij do të pushtonin Ukrainën, ai shpalli humbjen edhe të NATO-s, pra premtoi të gjitha llojet e gjërave.
Fatkeqësisht, një numër i madh çeçenësh vdiqën në agresionin kundër Ukrainës, të cilët shkuan në atë luftë të mashtruar nga premtimet e çmendura të Ramzan Kadyrov, shkruajnë disa media. /tesheshi.com/
