Nga Fieri, kandidati për kreun e PD-së Fatbardh Kadilli, e quajti Bashën “një cikël të mbyllur”, pasi sipas tij, “nuk ka asnjë fjalë të re”.
“Tre vjet punova në Vlorë dhe Basha nuk më pyeti kurrë sesi shkoi puna. Kryetari i PD-së duhet të jepte dorëheqjen e parevokueshme.
Lulzim Basha për mua është një cikël i mbyllur, nuk ka asnjë fjalë të re për të thënë më për politikën, asnjë fjalë, asnjë përgjegjësi, asnjë gjë se ku gaboi. Nuk ka pse zbukuron humbjen duke thënë se kemi dalë si në 2009”, tha Kadilli, duke ofruar dhe një arithmetikë çarmatosëse.
“Numri i votave si sigël politike si koalicion, kemi më pak, me 200 mijë votues më shumë kemi 100 mijë vota më pak. Pas 8 vitesh të kthehesh tek pika 0 nuk ke bërë asgjë, ke bërë një vrimë në ujë. Kush ju thotë do ta përmbys(Ramën), vazhdon që t’ju gënjejë”, shtoi Kadilli. /tesheshi.com/
