Që të humbisni peshë, duhet të humbisni oreksin, e për të mos “ushqyer” oreksin e tepërt do ju duhet një vullnet i hekurt. Por, ka metoda që ju ndihmojnë të humbisni oreksin pa pasur pasoja në shëndet.
Këtu hyn në skenë shkenca e cila nuk merret vetëm me zbërthime atomike, por së pari me përpjekjet e përditshme të njeriut për një jetë më të shëndetshme.
Studimet shkencore tregojnë se duhen tre komponentë që të bini në peshë pa pasur frikë nga pasojat. Për këtë duhet të kombinoni reduktimin e oreksit, përmirësimin e metabolizmit dhe aktivitetin fizik.
Së pari, hani proteina, yndyrna dhe perime: Secila nga ushqimet që konsumoni duhet të përfshijë një burim të proteinave, një burim yndyre dhe drithëra.
Burimet më të mira të proteinave janë: mishi, peshku dhe prodhimet e detit dhe perimet.
Shkenca thotë që nuk duhet të shmangni as yndyrnat , por përdorni vaj ulliri, avokadoje ose kokosi, sepse përmbajnë yndyrna të shëndetshme dhe nuk do të shtoni peshë.
Hani drithëra dhe karbohidrate: oriz, patate, tërshërë etj: Nëse trupi nuk furnizohet me karbohidratet e nevojshme, atëherë priret që të depozitojë yndyrën në trup dhe ky është një ndër shkaqet që dhjami depozitohet në pjesë të caktuara.
Bëni aktivitet fizik kardio, si vrap, kërcim me litar, not etj.
Pini ujë gjysmë orë para vaktit që do të konsumoni. Kjo mënyrë do t’ju ndihmojnë që të hani më pak dhe do të përshpejtojë metabolizmin tuaj.
Fillojeni mëngjesin gjithmonë me proteina dhe fibra, sepse do të ndjeheni të ngopur për një kohë më të gjatë.
Zvogëloni sasinë e ushqimit për një vakt, dhe pini kafe e cila ndihmon në largimin e urisë./tesheshi.com/
