Në Torino ka mbërritur një fëmijë palestinez, i talentuar në lojën e futbollit.
Juventusi i ka bërë vend në radhët e tij 10-vjeçarit palestinez Rashed Al-Hajjawi, i cili do të rritet futbollistikisht në akademinë e kampionëve të Italisë.
Talenti i tij është zbuluar përmes pamjeve filmike në Youtube, duke ngjallur interesin e italianëve, që kanë nënshkruar me të.
Rashed Al-Hajjawi, një palestinez i lindur në Norvegji, i është bashkuar akademisë së Juventusit pas një vizite në stadiumin e “Zonjës së Vjetër”.
Ai do të luajë fillimisht me ekipin e moshave nën 10 vjeç të Juventusit, për t’i ngjitur dalëngadalë shkallët e karrierës në futboll. /tesheshi.com/
https://youtu.be/UqiCT–1WD0
