Që nga 28 tetori i 2015-ës, kur Sasuolo do të fitonte 1-0 ndaj Juventusit, skuadra torineze nuk do të njihte më pikë të humbura në kampionat. E kjo do të ngjiste deri mbrëmjen e kësaj të premteje, kur krejt papritmas Juventusi lëshon terren e barazon pa gola ndaj Bolonjës.
Skuadra e drejtuar nga ish-milanisti Roberto Donadoni do t’i mohonte Juventusit një fitore tjetër të njëpasnjëshme, e pikërisht të gjashtëmbëdhjetën.
Një takim në “Dall’Ara” thuajse i barabartë, me pak raste për shënim, e me portën e Bolonjës të rrezikuar seriozisht vetëm në fundin e ndeshjes.
Zhgënjyes barazimi 0-0 për Juventusin, që vetëm pak ditë pasi u ngjit për herë të parë në krye të klasifikimit të kampionatit italian mund të rrëshqasë sërish më poshtë. Vlen të kujtohet këtu se javën e ardhshme e pret dhe përballja me Interin.
Barazimi i Juventusit i shkon për shtat Napolit, që mund ta rimarrë vendin e parë nëse fiton ndaj Milanit këtë të hënë. Eshtë mundësia më e mirë për Napolin që të lërë pas tronditjen e pësuar pas humbjes në Torino.
Me Juventusin që ka 58 pikë në krye të renditjes, e me Napolin me 56 të tilla që vjen pas, fitorja e mundshme e napolitanëve ndaj Milanit do t’i bënte ata rishtas kryesues. /tesheshi.com/
