Juncker e thotë hapur: Trump është injorant, vendos në rrezik marrëdhëniet tona

“Zgjedhja e Donald Trump si President vendos në rrezik marrëdhënien mes Bashkimit Europian dhe Shteteve të Bashkuara të Amerikës”, – ka thënë këtë të premte Presidenti i Komisionit Europian, Jean Claude Juncker.

“I zgjedhuri nga amerikanët për President është injorant nga njohuria për Bashkimin Europian dhe funksionimin e tij”, – u shpreh Juncker në një konferencë para studentëve në Luksenburg. Kjo deklaratë mund të lexohet e plotë në sajtin e BE-së.

“Zgjedhja e Trumpit vendos në rrezik marrëdhëniet ndërkontinentale që prej vendosjes së tyre, si dhe strukturat tona”, – deklaroi Juncker, i cili është kreu ekzekutiv i një prej organizatave më të rëndësishme të BE-së si dhe një lider politik tepër i fortë në Europë.

Ai u pyet edhe në lidhje me strukturat mbrojtëse të NATO-s si dhe me deklaratën e Putinit për marrëdhëniet me SHBA-në, duke u përgjigjur krejt në të kundërt me mendimin e shumë politikanëve europianë për vijimin e marrëdhënieve me SHBA-në, kur në krye të saj u vendos presidenti republikan.

“Do të na duhet t’i mësojmë presidentit të sapo zgjedhur se çfarë është Europa dhe se si funksionon ajo”, – ishin fjalët e Juncker, i cili shtoi se amerikanët nuk kanë pasur interes për Europën.

“Mendoj se do të harxhojmë dy vite kohë përpara se Trumpi të bëjë një xhiro nëpër botë dhe të mësojë ato që nuk i di”, – tha kreu i Komisionit Europian, i cili ditën e enjte ngriti dyshime serioze për pikëpamjet e presidentit të zgjedhur të Amerikës në lidhje me tregtinë globale, klimën dhe politikat e jashtme të sigurimit./tesheshi.com/