Klubi i Real Sociedadit në Spanjë i ka dhënë punë një njeriu të pastrehë që flinte prej tetë muajsh në qiell të hapur pranë stadiumit “Anoeta”, në një prej portave të tij.
Rubeni endej rrugëve të San Sebastianit prej tre vitesh, pa ditur se ku do ngrysej. 35-vjeçarit i ka ndritur
fati më në fund, pasi te klubi bask kanë menduar ta punësojnë si mirëmbajtës të terrenit.
Ai do të punojë fillimisht për dy muaj, e nëse lë përshtypje të mira, do të vijojë dhe më tej si i punësuar.
“Nuk besoja më se ekzistonin njerëz të tillë të mirë. Pas aq shumë goditjesh të rënda, ju filloni ta humbni shpresën,” tha 35-vjeçari për një program, “Los Lunes al Gol”.
Për të është bërë e mundur tanimë të ketë një strehë e të mos flejë rrugëve.
Real Sociedadi është një prej ekipeve të njohura të kampionatit spanjoll, dhe aktualisht gjendet në vend të shtatë në klasifikim. /tesheshi.com/
