Berisha ka ndryshuar qëndrim për Fatos Nanon, armikun e dikurshëm të cilin e masakroi për vite të tëra me akuza të llojllojshme, duke e demonizuar siç di ai.
Por në Foltoren e radhë, atë në Kuçovë, tha se atij i duhet njohur merita e reformimit të PS-së.
“PS kaloi një provë të madhe drejt reformës me Fatos Nanon. Ku është esëll flet saktë, duhet t’ja njohim këtë meritë. E shfrytëzon edhe Rama. Bëri një gjë të madhe për PS edhe për vendin.
Nga partia e njishit që nuk zbriste nga 41 deri në fund, ai zbriti nga anëtar i thjeshtë u kthye në kryetar të partisë me votën e anëtarëve të tij.
Kjo atij nuk i mohohet. Përsëri ai e dorëzoi pushtetin kur humbi dha dorëheqjen…”, tha Berisha, të cilën e pati të gjithën që tha si goditje për Ramën.
“Pasardhësi çfarë bëri? Vuri në statut për t’u dukur modern se kryetari po humbi zgjedhjet ikën.
I humbi zgjedhjet e 2009, jo vetëm që nuk dha dorëheqjen por i detyroi anëtarësinë të votojë se se për kryetarin nuk votohet. Që nga viti 2099 socialistët nuk kanë parë votë në partinë e tyre.
Janë kthyer në një formë të Partisë së Punës”, arsyetoi njeriu, partia e të cilit po shkon drejt shkërmoqjes si pasojë e një krize të paprecdent. /tesheshi.com/
