Presidentja Atifete Jahjaga njoftoi se Kosova do të përfitojë fonde nga Fondi Global për angazhim të komunitetit dhe rimëkëmbje, fonde të cilat do të përdoren për luftimin e ekstremizmit dhe parandalimin e radikalizmit.
Gjatë takimeve që ka pasur në Nju Jork me përfaqësues të fondit, Jahjaga ka shprehur kënaqësinë për vendimin që në dhjetor të këtij viti të formalizohet përfshirja e Kosovës si një nga pesë shtetet që përfitojnë financime nga fondi prej 25 milionë dollarësh “për nisma dhe projekte, që për qëllim kanë parandalimin e radikalizimit dhe ekstremizmit të dhunshëm”.
Sipas njoftimit në Facebook, thuhet se Jahjaga ka thënë se “është lajm i mirë që Kosova ka përmbushur kriteret e kërkuara për t’u bërë një nga pesë shtetet në botë që përfitojnë nga nismat e fondit në këtë fazë dhe se mirëpret vizitën e përfaqësuesve të kësaj organizate në Kosovë”. /tesheshi.com/
