Dy konteinerë të cilët ndryshojnë përherë pozicionin dhe nuk kanë asnjëherë të njëjtin çmim në natë, nga çmimet promocionale deri në shifrat marramendëse: ky është Spontaneity Suite, hoteli i parë luksoz që ofron një dhomë sekrete, në një nga zonat më të bukura të Australisë, me çmime që ndryshojnë nga dita në ditë.
Çmimi i dhomës nis nga 32 mijë dollarë në natë, për të arritur në ofertat promocionale prej 99 dollarësh në natë. Kjo është iniciativa e fundit e sajtit Hotel Tonight në bashkëpunim me Ovolo Hotels, një kompani e specializuar në shërbimin e komplekseve rezidenciale të luksit, për të financuar një projekt me qëllime bamirësie.
Spontaneity Suite është një hotel pop-up, i cili udhëton në kontinentin australian në kërkim të ofertave më të mira. Bëhet fjalë për dy konteinerë të lehtë për tu montuar dhe çmontuar, të cilët bashkohen për të krijuar një dhomë me shërbimet e një hoteli ekstra luksoz me një tarracë në të cilën është e vendosur një vaskë me hidromasazh, nj televizor Apple, një vetratë panoramike, një milibar i kompletuar dhe me çdo opsion tjetër që ofrojnë dhomat e luksit.
Veçantia e Spontaneity Suite nuk qëndron në vendet e ndryshme dhe më të bukura të Australisë ku ai vendoset, por në çmimin e dhomës, e cila ndryshon nga nata në natë. Hera e parë e aplikimit të këtij hoteli ka qenë në Yarra Valley, një zonë pranë Melburnit, ku dhoma kushtonte 99 dollarë australianë nata (63 euo) nga 28gushti më 1 shtator të këtij viti.
Prej 1 shtatorit, e njëjta dhomë është dhënë kundrejt çmimit prej 32 mijë dollarësh (rreth 20 mijë euro) me një vendim të pa dëgjuar më parë: çmimi do të ilet me 1 mijë dollarë çdo 10 minuta prej kohës kur dhoma është e pa prenotuar. Kështu do të jetë gjatë ditëve në vazhdim dhe gjithçka bëhet për të finalizuar iniciativën me qëllim bamirësie: të ndihmohet Oz Harvest, organizata më e rëndësishme jofitimprurëse për ndihmat ushqimore në Australi./tesheshi.com/
