Disa orë para ndeshjes me gjigantin italian të futbollit, Milanin, pronari i “Ecolog” dhe sponsor gjeneral i Shkëndisë së Tetovës, Lazim Destani ka takuar ekipin shqiptar në Milano, ku nga Dyzeldorfi udhëtoi me aeroplan personal.
Qëllimi i vizitës së tij ka qenë inkurajimi i futbollistëve para ndeshjes në kuadër të Play Off , Liga Evropës.
Lazim Destani në mënyrë të veçantë ka takuar trajnerin Qatip Osmani dhe kapitenin Ferhan Hasani, me të cilët gjithashtu ka shkëmbyer mendime duke shprehur besimin dhe bindjen se Shkëndija është gati për këtë sfidë.
Gjithashtu ai ka vizituar skuadrën edhe mbrëmë gjatë stërvitjes në stadiumin “San Siro”.
“Nga tribunat e këtij stadiumi nesër do t’ju ndjekin shumë shqiptarë, ata të gjithë e presin me padurim daljen tuaj në këtë fushë. Dhe akoma më shumë do t’ju ndjekin nga larg nëpër ekranet televizive”, ka thënë ndër të tjera Destani. /tesheshi.com/
