Edhe Kosova si shumë shtete të tjera të Evropës është duke u ballafaquar me mot tejet të ftohtë.
Mot i acartë po mbretëron edhe në Prishtinë ku bora ka mbuluar çdo gjë, si pasojë e reshjeve të shumta që kanë rënë gjatë dy ditëve të fudit.
Megjithatë rrugët janë të kalueshme dhe nuk raportohet për ndonjë bllokadë të tyre.
Edhe sheshet e kryeqytetit janë të mbushura nga bora, por kompanitë e pastrimit janë të mobilizuara dhe po largojnë borën nga sheshi, për t’ua bërë më të lehtë ecjen këmbësorëve.
Problem mbetet mospastrimi i shumicës së trotuarve për qytetarët duhet të jenë të vëmendshëm që të mos rrëzohen dhe pësojnë ndonjë lëndim.
Pavarësisht problemve që sjell bora sidomos në komunikacion, fëmijët i janë gëzuar më së shumti të cilët nuk i kanë penguar as temperaturat tejet të ulëta që të dalin të rrëshqasin dhe shijojnë lojën e tyre me topat e borës.
Gazetari i portalit tesheshi. com ka realizuar foto në disa pjesë të kryeqytetit për të dhënë një fotografi të përgjithshme se si duket kryeqendra e Kosovës me borë.
