Nëse martoheni me një grua e cila është inteligjente, me shumë mundësi jeta juaj do të zgjatet. Ky është përfundimi i dalë nga një studim i bërë në Britaninë e Madhe, rezultatet e së cilit janë bërë publike në Oxford Literary Festival.
Sipas Lawrence Whalley i College of Medicine and Life Sciences në Universitetin Aberdeen të Skocisë, burri e ushqen trurin falë stimulimit intelektual të partneres së tij dhe parandalon patologjitë që kanë lidhje me çmendurinë. Inteligjenca e femrës bën diferencën në jetën e mashkullit që ajo ka në krah.
Nëse pranë jush është një femër inteligjente, me siguri do të keni një jetë të shëndetshme dhe të gjatë, e me shumë mundësi do të jeni prindër të mirë. Femrat kanë gjithmonë një rol të rëndësishëm, sa i takon punëve të shtëpisë, sjelljes së të ardhurave dhe gjithçkaje tjetër në jetesën mes dy personave, por nëse një femër është inteligjente, edhe plakja juaj do të jetë më e lehtë. /tesheshi.com/
