Po shkoni në plazh me dëshirën për të peshkuar apo për të ngrënë një drekë ose darkë të shijshme me fruta deti? Kujdes: mos konsumoni dateri pasi ato janë të ndaluara me ligj.
Siç përshkruan me detaje “La civiltà planetaria”, molusku që ndodhet brenda daterit (Litophaga litophaga) është i ndaluar prej vitesh të konsumohet. Në vitin 2006, i gjithë Komuniteti Europian e ka sanksionuar me ligj ndalimin e konsumit të këtij molusku.
Nuk bëhet fjalë për një ligj që mbron speciet në zhdukje (i tillë është dateri), por sepse jeton në brendësi të shkëmbinjve dhe në të njëjtën kohë gjahtarët e tyre gërmojnë gropa gjithmonë e më të mëdha për të gjetur këtë molusk shumë të kërkuar.
Si rrjedhojë, mënyra e vetme për ti peshkuar është shkatërrimi i gurëve në det me çekanë apo me lëndë plasëse.
Deri sa ishte i ligjshëm peshkimi i daterit, është shkatërruar një numër shumë i madh i shkëmbinjve në Mesdhe, çka ka sjellë edhe shpërqendrim të biodiversitetit marin, si pasojë e çekuilibrimit të habitatit natyror ku rritet dateri.
Ndaj, nëse në restorant shikoni se ofrohen edhe dateri, kujtohuni se është një dëm i madh që po i bëhet planetit, më pasoja të parikuperueshme.
Deti është i të gjithëve. Kush e dëmton qoftë edhe në mënyrë jo të drejtpërdrejtë, mbani parasysh se ka dëmtuar edhe diçka që ju përket ju. /tesheshi.com/
