I quajmë shkarravina por janë vizatime të pavetëdijshme, të cilat flasin shumë për ne. Është ky përfundimi i një kërkimi të realizuar nga një grup psikologësh. Shumë prej nesh mund të na ketë ndodhur të gjejmë fletë, fletore apo libra me shkarravina të bëra gjatë një leksioni, gjatë një telefonate apo një bisede me dikë.
Sipas ekspertëve ekzistojnë dy lloj personash: ata që vizatojnë gjithmonë të njëjtën gjë dhe ata që krijojnë vizatime të ndryshme. Të parët janë persona që duan të qetësohen dhe shkrimi apo vizatimi i së njëjtës gjë u krijon atyre ndjesinë e mbrojtjes dhe qetësisë, ndërsa ata që krijojnë forma të ndryshme, janë më të hapur ndaj botës, ndaj së resë dhe të panjohurave.
Disa vizatime kanë edhe një domethënie të veçantë: për shembull, kush shtëpi, është një person që ka nevojë për siguri, ata që vizatojnë zemër shprehin mohimin e dëshirave të tyre, yjet nënkuptojnë optimizmin dhe ambicien, shigjetat nënkuptojnë nevojën për të konfirmuar vetveten, vijat e rrotulluara shprehin ndjenjën e konfuzionit.
Ata që shkarravisin forma gjeometrike të një objekti të zakonshëm, janë nën ankth dhe persona shumë racionale. Po ju, çfarë tipi jeni? /tesheshi.com/
