Izraelitja Noa Argamani, e cila ishte e ndaluar në Rripin e Gazës për tetë muaj, mohoi se ishte torturuar atje, raporton Anadolia.
Mediat izraelite raportuan se ajo u torturua gjatë ndalimit në Gaza, duke thënë se këto ishin fjalët e saj.
Pas përhapjes së shpejtë të lajmit në media, Argamani i ka mohuar akuzat në llogarinë e saj në rrjetet sociale.
Ajo deklaroi se nuk ishte torturuar gjatë kohës që ishte e ndaluar në Gaza.
“Nuk jam torturuar dhe nuk më kanë prerë flokët. Nuk më rrahën. Isha në një ndërtesë që u godit nga Forcat Ajrore izraelite. Kam pasur plagë në të gjithë trupin sepse është shembur ndërtesa”, ka shkruar Argamani.
Ajo ka reaguar ndaj lajmit në mediat izraelite se është torturuar gjatë paraburgimit tetë mujor.
“Unë jam viktimë e incidentit të 7 tetorit dhe refuzoj të jem sërish viktimë e mediave izraelite”, shtoi Argamani.
