Vizita e presidentit Gjorgje Ivanov në Tiranë, në Maqedoni po komentohet si tentativë e tij për të demantuar kritikuesit e shumtë për qasjen indolente që ka karshi krizës politike, dhe për izolimin total ndërkombëtar, pasi nuk mbahet mend të ketë shkuar në ndonjë vizitë zyrtare jashtë shtetit, ose ti ketë ardhur ndonjë peronalitet me rëndësi ndërkombëtare.
“Gjatë kohë, udhëheqësia shtetërore e Maqedonisë është e izoluar nga shtet Europiane. As su vjen kush, as si fton kush. Ama prandaj janë Qeveria Shqiptare dhe ajo e Kosovës që gjithmonën gjinden aty kur Ivanovit, Gruevskit dhe Ministrave ju duhen” ka komentuar zyrtari i lidhjes Social Demokrate të Maqedonisë, Edmond Ademi.
Në faqen zyrtare të presidentit të shtetit qëndron se Ivanov në muajt e fundit ka patur vetëm dy takime, dhe atë me presidentin Bullgar, Rosen Pllevneliev gjatë varimit të ish presidentit Zheljev, ndërsa tjetri takim me presidenten Kroate kolinda Grabar, gjatë inagurimit të saj më 15 mars.
Presidenti i Republikës së Maqedonisë, Gjorge Ivanov, i shoqëruar nga bashkëshortja Maja Ivanova prej sot do të qëndrojë për vizitë zyrtare dyditore në Republikën e Shqipërisë.
Ivanov në Tiranë do të ketë takime me kolegun e tij shqiptar Bujar Nishani, me kryeministrin Rama. /tesheshi.com/
